www.lirionushi.com Lirio Nushi Arti Shqiptar Muzika Shqiptare Albanian Songs Kengetare Shqiptare ne Greqi Shqiperia Muzika Kenge Albanian Ethnic Music

Duke përzgjedhur si shesh kryesor për xhirimet e veta, qytetin e lashtë të Beratit dhe pikërisht, kalanë shumëshekullore. Në xhirime ka asistuar korrespodenti i gazetës “Corriere della Sera“, Michele Pero, i cili do të ndihmojë duke i dhënë një hapësirë më të gjerë në mediat italjane muzikës etnike shqiptare. Të gjendur rastësisht në kala, spektatorët e parë që janë njohur me këtë realizim, disa Trupa Diplomatikë, dhe grupe turistesh të huaj, kanë shijuar performancën deri në orët e vona, mes duartrokitjeve dhe kureshtjes, madhështisë së kostumografisë dhe xhirimeve të ralizuara me teknologjinë më të sofistikuar, në HD 2K. Klipi premton t'i kalojë shumë shpejt dhe me sukses kufijtë kombëtarë, për të përshfaqur denjësisht muzikën shqiptare. Regjisorë të huaj dhe aktorë të njohur botërorë,të befasuar nga tematika etnike dhe kostumografia mbresëlënëse, kanë treguar interes të veçantë dhe i kanë shprehur dëshirën këngëtarit, për të vizituar nga afër Shqipërinë dhe njëkohesisht, kënaqësinë e një bashkëpunimi të mundshëm. Entuziast dhe largpamës, si kurdoherë në krijimtarinë e tij, Lirio do të na surpizojë sërishmi me diskun e ri dhe titullin emocionues “MALLI IM – MY NOSTALGY”. Videoklipi, i përmasave dhe standarteve të larta, niset të hasë mikpritjen e artëdashësve të kudondodhur. Imazhe që mbërrijnë nga historia, muzikë me nji tingull krejt të veçantë dhe pamje që përcjellin emocione të fuqishme... Një tingull krejt i ndryshëm, po troket, për tu futur në zemrën e çdo shqiptari, e çdo artdashësi. Hapni dyert e zemrës, Lirio Nushi dhe“MALLI IM” po vijnë së bashku.

Ne kete realizim ndihmuan:

Text & Music : Lirio Nushi, Orkestroi: Alfredo Tase

Photoreporter: V. Tafani

Ideator Skenografie: Lirio Nushi & Marchelo Elandera

Kostumografia: Jona Muca

Asistent: Eduart Remanica, Olta Mneri

Personazhe: Albert Metollari, Valmira Rakaj, Andi Xhaferi, Besi Kondo, Aurel Biberaj, Rugova Aliaj, Jetmir Dolapi, Aldo Durmishi, Anisa, Jeta, Rindi,....etj.

Video Klipi u Realizua nga "MAX PRODUCTION"

SPONSOR : "UNIVERSITETI VITRINA"

Pergatiti: OREST LJAKARDI & HILDA LOCI

(Art Manager ) (Gazetare)

-----------------------------------------------------------------------

"ARBËRESHE SONGS"

Disku me këngë nga Arbëreshet e Italisë së Jugut

Kompakt disku me titull "Arbëreshe Songs" vjen te përcjell mesazhin se shqiptarët dhe kultura e tyre nuk jane nje ndjesi pagane por nje origjine dhe art i mirfillt qe burojne nga nje qyteterim i vertete dhe i lashte. Për realizimin e tij u deshen rreth pese vjete pune, kohe e cila u desh te vihej në dispozicion për grumbullimin e materialeve baze muzikore te cilat jane nje hulumtim ne retrospektiven e kultures shqiptare duke kompletuar keshtu nje koleksion me te vertete te rralle dhe te mahnitshem persa i perket vlerave kulturore, artistike, historike dhe studimore qe permban ky disk.

Nje permbledhje e kujdes'shme e cila realizohet për herë të parë në Shqipëri dhe jashte saj dhe qe vjen nga te gjitha zonat ku gjenden dhe banojne Arbereshet e Italise se Jugut.Ne te shprehet me fjale dhe kenge historia e shqiptareve te vitit 1400.Pohohet ne menyre te padiskutueshme ekzistenca e ketyre komuniteteve me origjine shqiptare duke mbajtur gjalle nepermjet kengeve historine e tyre e cila atehere nuk mund te shkruhej por mbeti e gjalle duke ardhur deri ne ditet tona per te na rrefyer shume sekrete historike te popullit tone duke na treguar per gojdhanat e tyre, legjendat, perrallat, dashurine per njeri-tjetrin dhe mallin e tyre per atdhe, besen dhe besimin e tyre fetar duke deshmuar keshtu historine e vertete te atyre viteve. Nje pune teper e lodhshme te cilen me shume dashuri jua perkushtoj te gjithe shqiptareve qe mbeten merguar larg dheut te Atit, te gjithe mergimtareve te vjeter dhe te rinj, atyre qe mbajten dhe ruajten gjalle gjuhen shqipe sikurse ruan dhe mbron mema foshnjen e saj per nje periudhe kohore rreth peseqint e me teper vjecare, te gjithe shqiptareve ne pergjithesi kudo qe ndodhen. Ne nje percapje serioze kenget e ketij disku nen nje perpunim te lire muzikor plotesojne njembedhjete materiale. Ato janë bazuar në muzikën tradicionale të Arbëreshëve duke ruajtur me fanatizem origjinalitetin dhe identitetin e tyre. Shumica e tyre vijnë tek ne nëpërmjet një udhe peseqint e me teper vjeçare dhe kane si qellim te mbushin nje nga boshlleqet me te medhaja te thesarit te zbrazur te kultures kombetare - shqiatre.Disku ne fjale pohon ne kater gjuhe te ndryshme (shqip, italisht, greqisht dhe anglisht) se Arbëreshët janë Shqiptarë që u larguan kryesisht nga Arbëria (Shqipëria e sotme) dhe Peloponezi i Greqise - (More-ja, Arvanites), kryesisht gjat viteve 1400 për të mos rënë në duar të turqve. Këngët e ketij disku flasin për bukurinë e vashës, për dashurinë dhe për çka mbeti pas. Popujt që duke çarë historinë u takuan në Italinë e Jugut kanë gdhendur dhe mbajtur atje të padeformuar prezencën e tyre, duke ruajtur dhe shkëmbyer njëkohësisht gjuhën, traditat, kulturen, legjendat dhe gojdhanat e tyre. Kjo trashëgimi që përbën padyshim një pjesë të rëndësishme të kulturës mesdhetare vjen nga e kaluara duke tejpërshkuar kohën, e rinovuar tashme dhe e bukur si drita e diellit, të pasurojë të sotmen tonë

Orkestracionet dhe Vokali u realizuan gjat periudhes Janar-Maj 2002 ne studio Aiolia ne Athine-Greqi nen ekzekutimin e vegalve live muzikore te cilat u lujten me mjeshteri nga muzikante shqiptare dhe greke, me seriozitet profesional i cili beri te mundur realizimin e nje cilesie te mire dhe dinjitoze muzikore e cila po e perfaqeson denjesisht muziken shqiptare ne nje hapesire me te gjere duke i kapercyer vrullshem dhe me sukses kufijte kombetar.

Lirio Nushi

Titujt e Kengeve

1.Meme e Perendeshe 2.Per ty Arberi 3.Maca-Maca

4.Iliria 5.Pike e loteve te mia 6.Hajde-Hajde

7.Luli zemra ime 8.E Bukura More 9.Nga larg

10.Dy Manushaqe 11.Vasheza ime

"LIRIO NUSHI LIVE - CD2"

Artist: Lirio Nushi

Album Title: LIRIO NUSHI - LIVE

Date of Release: 01. 05.2003

Genre: Ethnic

Code: 3390103

Title of Songs

1. Dheu i atit tim

2. Kur Kalon mbi ato varre

3. Roza-Marin

4. Marjolia-Marjola

5. Djemte e atit gjithe merguar

6. Vlora Vlora

7. Ta duash dashurine

8. Folme mua

9. Zilia ime

10. Sulltani i Babilonise dhe Francesko

11. Rekordi më i lartë

Distribution:

"Eurostar" (Tirana-Albania)

“RRËNJËT E MIJA JANË TEK ARBËRIA”

FILM DOKUMENTAR

Pjesëmarrës në

Festivalin e 12^-të të Filmit Shqiptar

(Tiranë -Tetor 2006)

REGJISOR: Lirio Nushi.

SKENARI: Meriman Brahaj & Lirio Nushi.

KOHËZGJATJA: 30 minuta.

REALIZUAR: me porosi të Ministrisë së Kulturës Rinisë dhe Sporteve Kosovë, Dep. DÇJ

nga L.N Company, në Athinë- Shtator 2004.

SPONSORIZUAR: nga M.K.R.S. Kosovë, Dep.DÇJ

PREZANTIMI: 05 TETOR 2006, Ora: 11:00,

Teatri Kombëtar -Tirane-Albania.

Filmi Dokumenatar “RRËNJËT E MIJA JANË TEK ARBËRIA” vjen për herë të parë në Shqipëri, në Tiranë, mbas pjesëmarrjes së tij në “Javën Ndërkombëtare të Kulturës së Arbrit” që u zhvillua në Kosovë në Shtator të vitit 2004 gjatë së cilës ky film u dekorua atje me “Diplomë Nderi” nga M.K.R.S. Kosovë, Departamenti D.Ç.J. Ky film u realizua në Athinë.

Filmi i kushtohet një prej heronjve modern më të medhenj të Diasporës Shqiptare, Aravnitit-Arbëror ARISTIDH KOLJA.

Në këtë film përshkruhet thjesht biografia e jetës së tij, studimet e tij historiko-shkencore, folklorike dhe librat e shumtë studimorë e letrar, vepra të cilat në vetevete trondisin çdo opinion të deritanishëm mbi arvanitët-arbërorë të Greqisë duke mbërritur deri në rrënjët tona të lashta-pellazgët. Vepra që kërkojnë dhe gjejnë origjinën e mirfilltë shqiptare të aravanitëve-arbërorë të Greqisë, të cilat përbëjnë në vetvete një “revolucion të madh” mbi të vërtetën e tyre dhe që në një farë mënyrë kërkojnë një “pohim zyrtarë” të egzistencës së “këtij populli të harruar” i cili zë një vend të konsiderueshëm në total të popullsisë së sotme greke por edhe në jetën e vendit tonë fqinjë Greqisë, me kryeministrat grek me origjinë arvanite-arbërore, pjesëmarrjen e tyre në Revolucionin Grek të vitit 1821, prezencën e tyre të fuqishme në çdo drejtim, në art, kulturë, folklor..., etj,.

Gjithashtu në këtë film dokumentar përshkruhet puna e tij e madhe deri në çastet e fundit të jetës, përkrahja për liri dhe pavarësi e Kosovës gjat luftës -1999, duke dalë përpara mediave greke, për një Kosovë Republikë, duke trumbetuar se nëse ka një popull që ka afërsi gjinore më të afërt me greket-ata janë shqiptarët, dhe duhet ti përkrahim në këto momente të vështira, duke i bërë kështu thirrje per aleancë opinionit publik grek. Përkrahja e tij e madhe tek shqiptarët emigrantë duke e bërë atë vërtetësisht një ambasador të vërtetë të çështjes shqiptare në tërësi.

Për të gjitha këto ai është dekoruar nga Presidenti i Republikës së Shqipërisë me “Medaljen e Artë Naim Frashëri” pas vdekjes, dhe qytetar nderi i një prej qyteteve më heroik të Kosovës-Skënderaj.

Përgjatë filmit përçohen mesazhe të shumta dhe të fuqishme, pozitive, duke i dhënë një ngarkesë dhe potencial të lartë emocional filmit i cili pa dyshim do të ngrej peshë zemrat e të gjithë shqiptarëve.

Në këtë film janë përdorur materiale filmike-arkiva ku shumica e tyre janë të regjistruara me teknologji jo profesionale dhe kjo nuk ka ndihmuar që të kemi një pamje të përkryer vizive, por në një film dokumentar ajo që ka vlerë është dokumenti dhe jo cilësia e tij.

Personazhet real në një film dokumentar, pa interpretim të improvizuar, pra pa aktorë, e bëjnë zhanrin e filmit dokumentar interesant duke e veçaur atë dukshëm nga filmi artistik. Ky është një dallim i madh që i jep vlerë filmit dokumentar në tërësi dhe e bënë atë interesant duke e plotësuar edhe me përmbajtjen e tij e cila nuk është trajtuar asnjëherë deri tani në kinematografinë shqiptare.

Nuk ka qenë pengesë që si regji është realizuar pa pasur një studim të nivelit profesional për regjizurë, pasi studimet dhjetë vjeçare të miat në terren për arvanitët-arbërorë duke shëtitur rreth 900 fshatra të Greqisë ku flitet shqip, me materiale burimore, dhe mbi 50 zona të arbëreshëve të Italisë më krijuan besimin se askush tjetër përveç meje nuk do të ishte i denjë të nxirrte një skenar të pagabueshëm edhe nga pikpamja studimore e historike, e cila është mjaft e rëndësishme dhe delikate në këtë rast duke i dhënë kështu vlera reale filmit pa egzagjerime të terpuara, aq më tepër që në rastin konkret kemi të bëjmë me një biografi të thjeshtë të heroit të filmit. Gjithashtu shkencat kompjuterike Multimedia të larta që unë kam kryer në Athinë më lehtësuan mjaft punën nga pikpamja teknike, megjithëse në rastin konkret me mua kanë bashkëpunuar dhe shumë persona të tjerë të cilët përmenden në titrat e filmit dhe unë i falenderoj, pasi ka qenë një punë e lodhshme që duhej kryer brenda 30 ditëve. Janë realizuar rreth 25 orë xhirime për të nxjerrë vetëm 30 minuta këtë film.

Për mua ishte eksperienca e parë në këtë fushë dhe me mirnjohje të madhe dua të falenderoj organizatorët e festivalit që e pranuan filmin tim në këtë eveniment gjigant të filmit shqiptarë duke e radhitur emrin tim përkrah kollosëve më të mëdhenj të kinematografisë shqiptare dhe pres me ankth dhe pozitivisht çdo lloj kritike që do të më bëhet.

Vetë bashkëshortja e tij me të dy fëmijët e Koljas pritet të vijnë për të qenë prezentë gjatë prezantimit të filmit në Tiranë, si edhe personalitete të tjera të larta nga Diaspora Shqiptare.

Katër diploma, të cilat më janë akorduar jashtë Shqipërisë, për punët e mija ndër të cilat vlen të përmend punën pesëvjeçare të realizimit të diskut “Arbëreshe Songs” i cili në vetvete është një studim i madh muzikologjik, si edhe dy filmat e mi dokuemntarë: “Rrënjët e mija janë tek Arbëria” dhe “Arvanitët-Arbërorë një popull i harruar”, më lënë të shpresoj se nga ky festival nuk do të iki pa u vlerësuar.

Po të ishte Kolja këtu me ne do të thoshte: -Nëntori që po vjen nuk është si të tjerët, ai do duhet të jetë një “NËNTOR I TRETË” për të gjithë shqiptarët.

“ARVANITËT – ARBËRORË NJË POPULL I HARRUAR”

FILM DOKUMENTAR

Pjesëmarrës në

TIRANA INTERNATIONAL FILM FESTIVAL

(DekoruaR me “Diplomë Nderi” nga M.K.R.S. Kosovë, Departamenti D.Ç.J.)

REGJISOR: Lirio Nushi.

SKENARI: Meriman Brahaj & Lirio Nushi.

KOHËZGJATJA: 20 minuta.

REALIZUAR:

Me porosi të Ministrisë së Kulturës Rinisë dhe Sporteve Kosovë, Dep. DÇJ

SPONSORIZUAR: nga M.K.R.S. Kosovë, Dep.DÇJ

PREZANTIMI: 09 Dhjetor 2006, Ora: 18:00.

AMBJENTI: KINEMA MILENIUM-TIRANË

Filmi Dokumenatar “ARVANITËT-ARBËRORË NJË POPULL I HARRUAR” vjen për herë të parë në Shqipëri, në Tiranë, mbas pjesëmarrjes së tij në “Javën Ndërkombëtare të Kulturës së Arbrit” që u zhvillua në Kosovë në Shtator të vitit 2004 ku u dekorua atje me “Diplomë Nderi” nga M.K.R.S. Kosovë, Departamenti D.Ç.J. Filmi u realizua në Athinë. Mbas prezantimit të sukseshëm të filmit dokumentar kushtuar Aristidh Kolja-s “RRËNJËT E MIJA JANË TEK ARBËRIA” në Festivalin e 12-të të Filmit që u zhvillua në Tiranë në Tetor 2006, Lirio Nushi vjen sërish për të marrë pjesë në TIFF-2006 me këtë film kushtuar Arvanitëve-Arbërorë të Greqisë dhe Çamëve.

Filmi i kushtohet historisë, kulturës dhe folklorit të tyre. Ai përshkohet nga personazhe të ndryshëm të cilët nxjerrin në pah me fjalët e tyre egzistencën dhe problematikën e arvanitëve-arbërorë të sotëm të Greqisë dhe Çamëve. Këngët e tyre të vjetra që burojnë të paktën para shtatëqintë viteve, të ruajtura prej tyre me fanatizëm janë një fakt i gjallë historik, janë vetë egzistenca e tyre, dhe na japin një emocion të gjallë të këtij folklori të pasur duke na treguar se arti burimor, folklori lujanë një rol të madh në vazhdimësinë dhe egzistencën e një populli duke i dhënë atij vlerat dhe forcën e një identiteti të gjallë të një kombi, prandaj dhe lind nevoja për një përkujdesje më të madhe për ruajtjen e kësaj trashëgimie kulturore, por natyrisht me një përkujdesje nga institucionet përkatëse shtetërore. E veçanta në to është besimi i tyre i fetar i cili në të gjitha këngët i përket kultit kristjan ortodoks, fakt i cili egziston edhe tek arbëreshët e Italisë dhe na bënë shpesh herë të pyesim veten pse sot shqiptarët kanë tre dhe jo një besim fetar sikurse shumica e popujve të botës. Jo se nuk dihet përgjigjia për këtë por është një problematikë që duhet të bëhet e njohur në një masë më të gjerë popullore dhe që na ndihmon të kuptojmë devijimet tona historike.

Personazhe aspak të rastësishëm por të dekoruar me medalje ndërkombëtare dhe medalje të arta sikurse urdhri “Naim Frashëri i Artë” janë pjesë e këtij filmi dokumentar.

Ka qenë një përvojë e jashtëzakonshme të udhëtosh në të gjithë Greqinë për të mbledhur këto këngë të vjetra e të bisedosh me njerëzit atje. Gjatë gjithë kohës ka egzistuar një frikë pasi mund të keqkuptoheshe shumë lehtë po të thoshe –JAM NGA SHQIPËRIA. Madje në një fshat ku flitet gjuha arvanite (Vilja), më thyen xhamat e makinës dhe desh më thyen kameran. Ishte një festë kushtuar artistes së madhe me origjinë Arvanite Eli Labeti të cilën unë nuk munda ta ndjek dot nga afër. Njoftova shoqatën e arvanitëve të Greqisë dhe më këshilluan të largohesha sa më shpejt pasi mund të krijohej ndonjë situatë më e keqe, ambasadën shqiptare as që e morra mundimin ta njoftoj, është njësoj sikur nuk egziston fare. Më dukej vetja si një ilegal i shekullit të fundit dhë sinqerisht më është dashur të punoj me një konspiracion qesharak, ndërkohë që në Italinë fqinje ishte kaq bukur dhe jam ndjerë kaq shumë i mirëpritur. Krejt e kundërta e Greqisë. Në Itali të gjitha katundet arbëreshe janë të njohura nga shteti atje dhe janë të ligjëruara si dygjuhëshe. Në tabelat e tyre janë mbishkrimet shqip dhe italisht duke e pranaur zyrtarisht egzistencën e tyre. Në Greqi kjo ndoshta s’ka për të ndodhur kurrë. Për një fakt shumë të thjeshtë. - Janë kaq të shumtë arvanitët në numër si popullatë në Greqi dhe nëse Greqia do ta pohonte zyrtrisht këtë fakt do të kishte një krizë të mirfilltë të identitetit të saj kombëtar. Ndoshta kjo është edhe arsyeja që “Çështja e Arvanitëve” ka mbetur gjithmonë në heshtje. Madje ka një marrëveshje me arvanitët në Greqi të cilët kanë firmosur se Greqia do të ketë vetëm një gjuhë kombëtare- vetëm Gjuhën Greke, duke e përjashtuar përfundimisht nga gjuha zyrtare gjuhën arvanite.

Egzsistenca e afërsisht 900 fshatrave arvanitëfolës në Greqi na çudisin pse deri tani nuk është folur asnjëherë për egzistencën e këtij populli të padukshëm, duke i lënë kështu për shekuj me rradhë në harresë, në një hije të fshehur gjë të cilët arvanitët-arbërorë të Greqisë nuk e meritojnë aspak. Kur mendon se sa lavdishëm luftuan ata në Revolucionin Grek të 1821-shit duke i falur Greqisë heronjtë e sotëm të saj kombëtarë të cilët ishin të gjithë pa përjashtim me origjinë arbërore.

Ma thonë, emri im është Vangjel Ljapi – thotë një personazh i filmit (94 vjeçarë, Arbërorë nga Elefsina e Greqisë, dekoruar nga presidenti i Shqipërisë me urdhërin “Naim Frashëri i Artë”. E di çdo më thënë mbiemri im? - më pyeti, jo thashë, se kuptova,- Labi ore Labi më thotë. Jam nga rrënja e arvanitavet. Nga ata që muarën pushkën në dorë dhe i dhanë lirinë Greqisë, se ishim këtu edhe katërqintë vitra poshtë nën këmbën e turkut. Ata kolonolelët, të gjithë kolonelët, s’dinin të flisnin gjuhën greke o Lirio, ishin kolonelë. Karaiskaqi, Bubulina – grua me anije, Papaflesa, Kollokotroni (Bithëguri)..., etj. Duhet të më pyesësh cili s’ishte arvanit. E, unë s’kam të të thomë asnjë! Duam krye more, duam keshem. Keshemi është ai dashi që ecën rëpara vetëm, pastaj vjen qeni, e pastaj kopeja. E ne nuk kemi më krye.!

Jorgo Miha arbërorë nga Kryekuqi thotë:

Fshati ynë thuhet Kriekuq, e kemi mbajtur emrin, shteti e ka ndërruar emrin e ka vënë Erithre, po ne i themi Kryekuq, dhe ata që banojnë atje i themi Kryekuqot. Kryekuqi është afër Athinës. Tuti vëndet këtu afër Athinës ishnë Arbërorë, vetëm arbërorë, me si të bardhë jemi të gjithë. Gjuha e vërtetë është Arbërore dhe gluha jonë është Arbërishtja. Fjala Arvanites është fjala greke siç na thonë grekët këtu.Gluha Arvanitika i thonë ata por nuk është e drejtë. Nani i pyet çë je ti e nuk thonë jam arbërorë por thonë jam arvanitas. Fshati im përpara nga lufta e dytë, tuti flisnin vetëm gjuhën arbërore, ku jeshe në shtëpi, në agora, në punë, nani është prishur ghuha edhe nuk flitet kaq shumë. Ishin ca prindrat tanë që nuk dijnë fare njatrë gjuhë. Më të rinjtë që flasin gjuhën janë dyzetë-dyzetë e pesë vjeçë dhe tuti pleqtë. Është bërë një propagandë shumë e keqe për gjuhën. Shteti këtu thojnë prindërve tanë mos flisni dhe mos mësoni gjuhën arbërishte pse pastaj djeltë nuk munden të nxënë gjuhën greqishte edhe gjuha greqishte është më e mirë. Keshë një mike këtu nga Vilja, një fshatë që është këtu afër, dhe i thoshë tatës ajo, nuk mund të flas me vëllain greqisht se më vjen turp. Thomopulos ka shkruar një libër në vitin 1912 thotë se gjuha arbërishte është gjuha e pellazgëve dhe këtu në para fletë shkruan se :”Gurët folën edhe na thanë për gjuhën e pellazgëve. Të shkrimtat që janë sipër në gurë dhe shkrimti i pellazgëve gjetur në ishullin Limnos-Greqi, janë shkruar në një gjuhë që është greko-pellazge që është siç është e sotmja gjuha shqip.

Taso Karadi një shkrimtarë Arvanitë-Arbërorë nga Salamina e Greqisë thotë:

Arvanitët e Salaminës kanë ardhur nga Atika (Athina) në shekullin e 14-të, janë me prejardhje nga vendi i Shqipërisë. Tani janë dyzetë mijë veta, tre fshatra në Salaminë janë arvanite, fshati Kulluri që është edhe kryeqyteti i ishullit, Fshati Mulqi dhe fshati Ambelaqi. Si njerëz kanë karakteristikat e arvanitëve, janë njerëz me besë dhe kanë një veshje kombëtare siç thonë të gjithë shumë të bukur.

Kurse Jorgo Miha studjues arbërorë thotë:

Arvanitët në Greqi gjenden të vendosur aty ku janë zonat shumë pjellore, jo baltore dhe ATY KU JANË ZONAT E ANTIKITETIT GREK. VESHJA TRADICIONALE E BURRAVE-FUSTANELLA dhe VALLJA KOMBËTARE E GREKËVE SOT-VALLJA ÇAME I KARAKTERIZON ARVANITËT. Shumë të moshuar aravnitë në greqi nuk dinë greqisht, flasim vetëm gjuhën arvanite-arbërore. Gjuha dhe kultura e arvanitëve, egzistenca e këtij populli të harruar mund të mos humbasin vetëm me përkrahjen e shtetit grek dhe politikave kulturore për minoritetet, megjithëse arvanitët e quajnë veten autoktonë në Greqi dhe kjo është një pyetje që lë shumë për të diskutuar. Arvanitët ortodoks dhe arvanitët myslimanë (çamët), përbëjnë në vetvete një popoull me një origjinë të përbashkët-Pellazgët e lashtë që janë shqiptarët e sotëm.

FILMOGRAPHY